Në Kuvendin e Kosovës po mbahet Akademia Përkujtimore në nder të jetës dhe veprës së ish-kryeparlamentarit Nexhat Daci.
Kryetari i Kuvendit në detyrë, Dimal Basha, në fjalën e tij, e vlerësoi Dacin si një shembull të intelektualit të përkushtuar ndaj arsimit dhe shkencës.
Ai shtoi se Nexhat Daci ishte ndër themeluesit e standardeve më të larta universitare dhe shkencore në vend.
“Nexhat Daci e ndërtoi jetën e tij mbi themelet e palëkundura, punë të pandalshme, dije të thellë dhe përkushtim të jashtëzakonshëm për interesat e popullit që ai i takonte. Ai ishte shembulli i intelektualit që e kuptoi arsimin dhe shkencën jo vetëm si profesion, por si mision kombëtar dhe mjet thelbësor të emancipimit tonë”, tha Basha./teve1.info/
