Deputeti i Vetëvendosjes, Dimal Basha vlerëson se partitë që kanë udhëhequr me vendin në të kaluarën, në dialog i kanë shkaktuar dëm Kosovës dhe për më tepër, i kanë blerë kohë Serbisë.
Basha ka shkruar se marrëveshjet me Serbinë vetëm janë nënshkruar, por ato nuk janë zbatuar derisa ka ardhur në pushtet Qeveria Kurti.
“Kanë bisedu 10 vite dhe kanë nënshkru marrëveshje 33 marrëveshje, ku 2/3 e tyre nuk i ka respektu Serbia, dhe me krejt këto lëshime na thonin, “fituam, se na njofti Serbia.” Serbia n’anën tjetër na luftonte, mobilizonte kriminelë, dhe mbante zgjedhje e referendume si n’bahqe t’babës. Kjo normal deri erdh Kryeministri Kurti, por edhe atëherë opozita nuk na përkrahën, se nuk e kishin problem shtetin, por pushtetin, të cilin mbanin shpresa me fitu duke na kundërshtu ambasadat”, ka shkruar Basha.
Sipas tij në të gjitha bisedimet që bëheshin Kosova ishte temë e jo palë.
“Shkojshin m’u marrë vesh me Vuciqin cfarë “Zajednice” me ia implementu, dhe në fund e shtinën n’pazar edhe Veriun! “Na ke ka fal Rankovici,” thoshin, “nuk na duhet neve!” Këta janë miq, se e di që flasin palidhje me shpresë mos rasisht po i harrojmë, por fatmirësisht i njohim mirë dhe derisa nuk po na ndihmojnë, bile dëm mos t’na bëjnë, sepse koha kur fitohet pushteti duke i bë favore Vuciqit ka ik!”, ka shkruar Basha.
