Komandanti i misionit të KFOR-it, Enrico Barduani, të dielën është takuar me zyrtarin e Lartë DASH-it për Çështjet Evropiane dhe Euroaziatike, Brendan Hanrahan.
Sipas KFOR-it, gjatë takimit Barduani ka dhënë një përditësim mbi situatën e sigurisë në Kosovë dhe në të gjithë rajonin, si dhe mbi përpjekjet e KFOR-it.
Po ashtu thuhet se Barduani ka nënvizuar angazhimin e palëkundur të KFOR-it për të kontribuar në sigurinë e qëndrueshme në të gjithë Kosovën.
“Gjeneral Major Barduani dha një përditësim mbi situatën e sigurisë në Kosovë dhe në të gjithë rajonin, si dhe mbi përpjekjet e KFOR-it. Ai nënvizoi angazhimin e palëkundur të KFOR-it për të kontribuar në sigurinë e qëndrueshme në të gjithë Kosovën. Ai gjithashtu përshëndeti kontributet e gjata dhe të vazhdueshme të SHBA-së në përpjekjet e KFOR-it dhe në stabilitetin rajonal”, theksohet në njoftim.
