Bardh Krasniqi është emëruar me pozitën Drejtor i ri i Sportit në Prishtinë.
Kështu e ka bërë të ditur, Kryetari i Komunës, Përparim Rama i cili përmes një postimi në Facebook tha se Krasniqi vjen në këtë pozitë si profesionistë për ta quar edhe më përpara fushën e sportit.
“Bardhi, një ish basketbollist i shquar në skenën vendore e ndërkombëtare vjen në këtë pozitë si profesionist për ta quar edhe më përpara fushën e sportit. Ai do të punojë në ndërtimin dhe përmirësimin e infrastrukturës sportive në kryeqytet, për të mundësuar zhvillimin e aktiviteteve të ndryshme e të shumta këtë vit në Prishtinën tonë, e shpallur “Qytet i Sportit”, ka shkruar Rama.
Tutje, Rama tha se Krasniqi do të angazhohet për realizimin e projekteve për ta bërë Prishtinën të gatshme për “Lojërat Mesdhetare 2030”.
“Po ashtu, Bardhi do të angazhohet për realizimin e projekteve për ta bërë kryeqytetin gati për “Lojërat Mesdhetare 2030”, gjë që jemi të bindur se do t’ja arrijë fal sukseseve akademike në Stamboll, dhe profesionalizmit të tij të treguar ndër vite në themelimin, menaxhimin e shumë kompanive dhe projekteve në fushën e telekomunikimit brenda dhe jashtë vendit”, njoftoi Rama.
Ai ka falënderuar edhe ish-drejtorin e sportit Granit Rugova, për punën e palodhshme./teve1.info/
