Mbrojtës i krahut të majtë, Alejandro Grimaldo ka gjasa që prej sezonit të ardhshëm të jetë pjesë e skuadrës së Barcelonës.
Bëhet e ditur se drejtuesit e Barcelonës po synojnë transferimin e 29-vjeçarit, i cili është pjesë e Bayer Leverkusenit.
Grimaldo është zhvilluar si lojtar në akademinë “La Masia” të Barcelonës por kurrë nuk ka luajtur për ekipin e parë, pasi në janar të vitit 2016 u transferua te Benfica nga ekipi i dytë.
Te Barcelona po e shohin Grimaldon si përforcim të duhur, duke pasur parasysh se ai ka edhe 10 paraqitje me Kombëtaren e Spanjës.
Grimaldo ka 4 gola e 7 asistime këtë sezon për Leverkusenin, ekip me të cilin ka kontratë deri në vitin 2027 kurse kartoni i tij vlerësohet rreth 40 milionë euro.
