Në kohën shtesë, Lozano i Racing Santanderit doli përballë portierit Joan Garcia dhe kur pati mundësinë të pasonte te bashkëlojtari i tij, u tregua shumë egoist e lakmitar dhe gjuajti vet duke i humbur mundësinë skuadrës të barazonte gjithçka me Barcelonën, në Kupën e Mbretit.
Në aksionin vijues, Lamine Yamal i dha vulën këtij takimi me golin e dytë të Barçës, që me rezultat 0:2, siguroi çerekfinalen në Copa del Rey.
Sikur një natë më parë kur u eliminua Real Madridi, edhe Racing kishte mundësinë të bënte senzacion, dhe së paku ndeshjen ta dërgonte në vazhdime, por rastin e humbur do ta vuaj gjatë Lozano.
Skuadra lidere e kategorisë së dytë të futbollit në Spanjë, u tregua kundërshtar i vështirë për katalunasit. Madje mysafirët ndeshjen e zhbllokuan pas 66 minutave përmes Ferran Torres.
Vendësit nuk u ndalën asnjëherë e madje shënuan dy herë, por që golat u anuluan për shkak të pozitës jasjtë loje.
Barça në çerekfinale, të hënën do ta mësoj rivalin në rrugën drejt gjysmëfinales, kur hedhet shorti për Kupën e Mbretit.
