Futbollistet e Barcelonës e kanë zgjatur serinë në 12 fitore ndaj Real Madridit.
Fitoren e fundit ndaj madrileneve, skuadra e Barcelonës e shënoi të dielën në “Olympic Stadium”, 5:0. Barcelona asnjëherë nuk ka humbur nga Reali në “El Clasicon” e futbollisteve, ndërsa tani në ligë ka krijuar distancë prej gjashtë pikëve.
Barcelona luajti pa të lënduarën Alexia Putellas, por kjo nuk pati ndikim pasi edhe pa të e shënoi fitoren e nëntë rresht në kampionat në po aq ndeshje.
Reali është i dyti me 21 pikë gjithsej, gjashtë më pak se liderja. Fituesja e “Topit të Artë” dhe heroina e Kupës së Botës, Aitana Bonmati, e hapi serinë e golave në minutën e 17-të, kurse Caroline Graham Hansen dhe Mariona Caldentey, shtuan nga një gol për rezultatin 3:0 para pushimit.
Barcelona shënoi edhe dy gola në kohën shtesë të ndeshjes me Claudia Pinan dhe Vicky Lopezin, që në moshën 17-vjeçare u bë golashënuesja më e re në “El Clasico”. Ishte fitorja e 67-të rresht e Barcelonës në shtëpi në ndeshjet e ligës.
Këtë ecuri pozitive e ka nisur në shkurt të vitit 2019.
