Barcelona e ka fituar trillerin e finales në Kupën e Mbretit, të vendosur në minutat e fundit të pjesës së dytë në vazhdime.
Dueli dramatik që ishte i tensionuar ende pa nisur, ishte i jashtëzakonshëm të shtunën mbrëma në Sevilla, që përfundoi me rezultat 3:2 pas vazhdimeve për Barcelonën.
Kounde me një solo-veprim nga mesi i fushës kur askush nuk e priste, realizoi një gol të bukur nga largësia për t’i dhënë Barçës epërsinë e fuhur për triumfin e madh në Kupë ndaj një rivali të madh si Reali, me të cilin janë në garë edhe për titull kampioni në Spanjë.
Me një përqindje të lartë posedimi duke treguar dominim të plotë dhe me një gol të bukur nga Pedri, Barcelona ka mbyllë pjesën e parë me avantazh si në lojë ashtu edhe në rezultat ndaj Real Madridit.
Një pjesë e dytë e jashtëzakonshme, ngjalli Real Madridin, që përveç se barazoj rezultatin, kaloj në epërsi, por që Barcelona barazoj dhe ndeshja shkoj në vazhdime.
Hyrja në lojë e Mbappes ka ndryshuar ritmin e lojës te Reali. Francezi shënoj supergol nga gjuajtja e lirë dhe barazoj rezultatin ndërsa pak minuta më pas, Tchouameni shënoj pas harkimit të Arda Guler, për ta përmbys Barçën. Por Ferran Torres shpëtoj Barcelonën dhe barazon në 2:2 pak minuta para fundit.
Në shtesë gjyqtari i dha karton të kuq Rudigerit.
Barcelona e fiton për herë të 32-të Kupën e Mbretit, ndoshta më të veçantën ndonjëherë, pasi fitohet ndaj rivalit të përjetshëm.
