Barcelona ka bërë përmbysjen e madhe e të pabesueshme, duke marrë tri pikë në duel me Benfican, në ndeshjen e çmendur që u mbyll 4:5.
BArça e siguroi edhe matematikisht fazën e nokautit, por ndeshja në stadiumin “Da Luz” ishte për infarkt.
3:1 ishte rezulati i pjesës së parë për portugezët, me Evangelis Pavlidis që realizoi hetrik për 30 minuta lojë.
Në pjesën e dytë, mysafirët e ngushtuan rezultatin, por ishin vendësit që shënuan edhe njëherë si për të treguar këmbëngulësinë e fitores në këtë ndeshje.
Megjithatë katalunasit bën një rikthim të hatashëm, me dy gola të Lewandowskit e Eric Garcias për 4:4, ndërsa aksioni i fundit i ndeshjes në kohën shtesë, ishte dramatik.
Benfica kërkoi penallti, por gjyqtari nuk ndali lojën duke i mundësuar Barçës të nis kundërsulmin me Rafinhan që depërtoi deri në zonë, shmangu mbrojtësin dhe shënoj saktë për 4:5, për triumfin dhe rikthimin e madh të blaugrana.
Me 18 pikë, Barça është e dyta në renditje me tri pikë më pak se Liverpooli lider dhe pa humbje në Ligën e Kampionëve.
Në ndeshjet e tjera u arritën këto rezultate:
Liverpool – Lille 2:1
Club Brugge – Juventus 0:0
Atm Madrid – Bayer Leverkusen 2:1
Atalanta – Sturm Graz 5:0
Monaco – Aston Villa 1:0
Bologna – B. Dortmund 2:1
C. Zvezda – PSV 2:3
Slovan Bratislava – Stuttgart 1:3
