Në aventurën e tij të dytë tek Atletico e Madridit, Griezmann po përjeton një situatë të pazakontë, pasi 31-vjeçari është i detyruar të luajë jo më shumë se 30 minuta.
Në huazimin me të drejtë blerje midis Barcelonës dhe Atleticos së Madrid, ekziston një klauzolë jo në favorin e Griezmannit, pasi në qoftë se francezi luan më shumë se 50% të minutave të totalit, Atletico Madrid është e detyruar të paguajë 40 milionë euro për blerjen e kartonit.
Sipas gazetës franceze “L’Equipe”, Atlético dhe Barcelona po punojnë për të zhbllokuar situatën e pazakontë që po përjeton sulmuesi francez.
Raportimet tregojnë se dy klubet janë afër një marrëveshjeje për 25 milionë euro. Një shifër mjaft e vogël krahasuar me 40 milionët e kërkuara fillimisht nga Barça.
Griezmann është i lumtur në Madrid, megjithatë dëshiron të luaj më shumë minuta dhe të rikthehet protagonist absolut, pasi edhe Botërori “Katar 2022” është afër.
Bisedimet po shkojnë në rrugën e duhur dhe çështja “Griezmann” pritet të zgjidhej pas pushimit për shkak të ndeshjeve të përfaqësueseve.
Në pesë javët e para të La Ligas dhe në sfidën e parë të Champions League, Griezmann ka një mesatare jo më shumë se 28 minuta lojë për takim. Francezi deri më tani ka shënuar tre gola.
