Profesori universitar, Mazllum Baraliu ka theksuar se gjasat për formimin e qeverisë ende ekzistojnë dhe se partite politike duhet të tregojnë vullnet e fleksibilitet për të arritur një marrëveshje.
Sipas tij, është e mundur që të gjendet një zgjidhje nëse përfshihet edhe lista e tre deputetëve të Nismës Socialdemokrate në këtë proces.
“Gjithmonë ekziston mundësia për të bërë vepra të mira. Duhet patjetër të gjendet një solucion. Lista prej tre deputetëve të Nismës Socialdemokrate duhet të ketë racio-politike. Vërtet është momenti i fundit që ata të reflektojnë, jo më me floskula politike e retorikë boshe,” ka deklaruar Baraliu në emisionin “Mesditë” në Tëvë1.
Ai ka shtuar se një marrëveshje për bashkëqeverisje është e mundur nëse palët tregohen të hapura dhe të gatshme për kompromis.
“Duhet thjeshtë të bëjnë një marrëveshje, edhe fituesit të jenë fleksibil, nëse bëhet një marrëveshje për bashkëqeverisje me Nismën, atëherë patjetër që duhej edhe një votë, dy, duhej komunitetit pakicë me këta të bisedohet” , tha ai ndër të tjera./teve1.info/
