Profesori universitar, Mazllum Baraliu ka thënë se raportet ndërmjet Kosovës dhe Shqipërisë në aspektin institucional nuk janë më të mirat, ndërsa ka thënë se ato mes popujve janë vëllazërore.
Ai ka thënë se fajtorë për raportet jo të duhura shtetërore janë dy kryeministrat, Edi Rama dhe Albin Kurti.
Baraliu në emisionin “InfoNata” në Tëvë1, ka thënë se faktorët që kanë quar të këto raporte janë egot personale dhe ndikimet nga jashtë.
“Në aspektin institucional ndërshtetërore nuk janë marrëdhëniet më të mira, ndërsa në relacionin e popullit gjithsesi janë marrëdhënie të mira, vëllazërore. Janë shumë faktorë, të dy kryeministrat janë përgjegjësit kryesor të pushteti ekzekutiv në këto dy vende, dhe unë mendojë që arsyet që kanë ndikuar që ne mos t’i kemi marrëdhëniet edhe aq të afërta të koordinuara, bashkëpunimin e duhur, heqjen e barrierave, kanë ndikuar egot personale dhe ndikimet nga jashtë”, ka thënë Baraliu.
Kur ka folur për ndikimet nga jashtë, ai ka përmendur, anulimin e mbledhjes së përbashkët mes Qeverisë së Kosovës dhe Shqipërisë nga Edi Rama, në qershor të vitit 2023, projektin “Ballkani i Hapur” si dhe idenë për ndarjen e territoreve.
