Disa krisma u dëgjuan pas mesnatës të së dielës.
Policia e Kosovës nuk ka raportuar për ndonjë dëm, për sa kohë që dyshohet se krismat u shkaktuan nga mjetet piroteknike.
Banorët e kësaj zone, megjithatë janë të shqetësuar nga rastet që po ndodhin në veri.
E kjo gjë i ka penguar ata.
“Mitrovica i paguan këto çmime, pak ndonjë krismë dhe fatmirësisht nuk ka pasoja as në njerëz. Edhe ata kanë qenë të stresuar, nuk dihet as motivi, as ku ka ndodhë krisma, por kanë qenë disa detonacione”, tha Skënder Sadiku, zëvendëskryesues i Asamblesë Komunale në Mitrovicën e Veriut.
“Një krismë e kam ndëgju, diku kah 12 ora, ashtu diçka. Një krismë e kam dëgju po diku kah banesat m’u duk. Unë kam qenën në shtëpi në atë moment. Ia ka nisë qe dy tre ditë se deri tash nuk kemi pasë ndonjë shpërthim a diçka”, tha Hamdi Sogorella, banor i Lagjes së Boshnjakëve.
Policia e Kosovës në javën e fundit u sulmua pesë herë, mirëpo përveç dëmeve materiale, nuk u raportua për ndonjë zyrtar policor të lënduar.
Raporti i gazetares Albiona Hajdari.
