Banorët shprehen të revoltuar me ngadalësimin e punimeve në rrugën Ferizaj- Gjilan
Në magjistralen Kllokot – Gjilan punimet tash e tre muaj po zvarriten.
Rruga e cila lidh tri komuna, Gjilanin, Vitinë dhe Ferizajn bënë që të jetë shumë e frekuentuar.
E ngadalësimi i këtyre punimeve ka ngjallur edhe reagimin e banorëve të fshatit Livoq të Gjilanit, ku dëmtimet janë të dukshme.
Ata shprehin revoltimin e tyre që kanë ndaj përgjegjësve për kryerjen e këtyre punimeve.
E përfaqësuesi i këtij fshati, Idriz Bekteshi paralajmëron se ditëve në vijim janë të detyruar që ta bllokojnë për qarkullim këtë rrugë, derisa të fillohet intensivisht të punohet.
Pakënaqësinë rreth ngadalësimit të këtyre punimeve e ka shprehur edhe kryetari i Komunës së Vitisë, pasi që siç thotë ai i atakon direkt qytetarët e saj.
Televizioni ka tentuar të marr përgjigje për këto vonesa edhe nga Ministria e Infrastrukturës, por që përkundër insistimit të vazhdueshëm nuk ka pasur përgjigje.
