Me vite të tëra është në gjendje jo të mirë.
E si shkak i gropave po krijohen kolona të gjata në trafik.
Gropat që gjenden në dalje të magjistrales Ferizaj – Prishtinë po i shkaktojnë probleme për vozitësit e veturave.
Shoferi i një automjeti thotë se është turp në çfarë gjendje është lënë kjo rrugë.
“Rruga katastrofë është, marre është qashtu vallahin, marre shikoje krejt gropa është të paktën bile riparoje e pak rregulloje”, tha qytetari Fahredin Bytyqi.
Rregullimi i veturave si shkak i rrugës po i shkakton shumë shoferëve që kalojnë këndej.
“Është një problem i vjetër por ne kemi shpresuar që do të rregullohet edhe pak më herët se kemi dëgjua që ka qenë në program por ky program siç po duket ngeci. Përndryshe problem kemi edhe dimrit edhe verës e sidomos kur ka shi këtu bohet si liqen. 01:36 -01:43 Ne i kemi shumica veturat e mira por, edhe më keq që po prishen veturat e mira edhe po kushtojnë më shtrenjtë me i riparua”, tha qytetari Bedri Lekaj.
Ndërsa nga Komuna e Ferizajt thonë se kjo rrugë është nën kompetencat e Ministrisë së Infrastrukturës, Mjedisit dhe Planifikimit Hapësinor.
“Tashmë e kemi një lajmërim fatkeqësisht nga ana e rrjeteve sociale jo që kemi pasur informatë zyrtare nga Ministria e Infrastrukturës, që është nënshkruar kontrata është thënë që do të fillojnë punimet. Por, fatkeqësisht ju e keni parë që po mbaron pjesa e dimrit e nuk kemi fillim të punimeve. Vazhdimisht qytetarët ju kanë drejtuar Ministrisë së Infrastrukturës për fillimin e punimeve mirëpo asnjë herë nuk ka pasur përgjigje pozitive”, tha zëdhënësi i Komunës në Ferizaj, Selim Marevci.
Për këtë problematik kanë reaguar edhe nga rrjeti i OJQ-ve AVONET duke thënë se në një vend tjetër kjo rrugë do të duhej të mbyllej për shkak të gjendjes në të cilën gjendet.
“Ne si organizatë joqeveritare kemi ngritur në vazhdimësi shqetësimin, kemi bërë përformanca në atë rrugë por asnjëherë të vetme nuk kemi parë një reagim konkret për atë rrugë. Po të ishte në një standard normal në një vend evropian ajo rrugë do të mbyllej për frekuentim sepse është jashtëzakonisht pa funksional gropat kanë 50 cm thellësi”, tha Kenan Gashi nga AVONET.
Televizioni ka drejtuar pyetje edhe në Ministrinë e Infrastrukturës, Mjedisit dhe Planifikimit Hapësinor, por nga të njëjtit nuk ka pranuar përgjigje.
