Kjo për shkak se terreni aty është jo i mirë për të hyrë e punuar tokën. Teksa faji po hidhet te komuna.
Ekrem Zejnullahu i cili merret me bujqësi thotë se as puna nuk po mund të bëhet si duhet.
“Kjo rrugë prej fshatit lidhet me rrugën Pozheran-Sllatinë, po këtu kemi shumë toka bujqësore që është problem tash edhe me traktorë me sene me mujt me kalu këtë rrugë me shku me punu arat. Ky është shqetësim jo vetëm i jemi por i të gjithë banorëve. Shkaku i rrugës është problem njerëzit me shku me punu nëpër ara”, thotë Zejnullahu.
Premtim që do ta rregullojë këtë çështje shpejt ka dhënë kryetari i komunës Sokol Haliti.
Ai tha se rruga do të revitalizohet përmes një ure.
“Aty e kemi problemin se është një kanal i cili duhet të rregullohet ose me urë ose me aspekte të tjera në mënyrë që të mundësohet qarkullimi dhe të revitalizohet ajo rrugë edhe njëherë. Ajo rrugë bujqësore është shtruar para meje pa qenë unë, përndryshe masi kom ardhë une e kom shtru rrugën bujqësore prej lagjes Rexhepi në Ramjan te Gjinollt në Sllatinën e Epërme”, ka thënë Haliti.
Kulturat kryesore që kultivohen në Ramjan janë misri, gruri e patatja.
Kronika e realizuar nga gazetari Gojart Jashari
