Disa komuna të Kosovës po përballen me vërshime që nga orët e mëngjesit për shkak të gjendjes së krijuar pas reshjeve të shiut.
Në videon e mëposhtme të siguruar nga Tëvë1 shihen pamje nga rritja e nivelit të lumit në qytetin e Klinës.
Banorët janë shprehur të shqetësuar që lumi do të dalë nga shtrati.
Ndërkohë Komuna e Klinës ka njoftuar se nesër nuk do të mbahet mësim në shkollat e kësaj komune për shkaqe sigurie të nxënësve.
Ndërsa sipas një njoftimi nga Instituti Hidrometeorologjik i Kosovës situata e vështirësuar hidrometeorologjike, pritet që të vazhdojë dhe gjatë orëve dhe ditëve në vijim.
