Një numër i madh banorësh protestuan sërish para objektit të KEDS-it në Komunën e Ferizajt, pasi thanë se janë në hall me energjinë elektrike.
U mblodhën sërish të hënën para zyrave të KEDS-it.
Banorët e pesë fshatrave në Ferizaj, kësaj here më të shumtë në numër, protestuan për shkak të reduktimeve të rrymës.
Kryetari i fshatit Jezerc, Nazmi Baliu tregoi se cilat janë kërkesat e tyre.
“Kërkesat tona janë si zakonisht cilësi të rrymës dhe jo ndërprerje. Për shkak të bizneseve, sidomos bizneset nuk munden me mbijetu. Në rast se ndodh një defekt komplet gryka mbet pa rrymë, në të paralizohet ajo pjesë ku është defekti jo krejt gryka për shembull, prej Balaj e deri në Jezerc”, ka deklaruar ai.
E pakënaqësi me energji elektrike ka edhe banor tjetër, Mehdi Hajdari.
“Rrymën e kemi shumë të dobët, çdo aparat në shtëpi pa e pas një përforcues neve nuk na dërgon rrymën. 01:09-01:17 Ne jemi katastrofë, me rrymë jemi katastrofë sikur përpara që kemi jetuar me llambat me gaz aq rrymë na kemi”.
Gjatë protestës, përfaqësuesit e fshatrave u ftuan në takim nga drejtori i KEDS-it në Ferizaj.
E nga aty dolën pa zgjidhje.
“Ata si zakonisht premtojnë shumë e nuk bëjnë kurrë kurgjo. Është një projekt 2025 ndoshta 2028 ZRRE nuk na lejon, si gjithmonë. Domethënë nuk gjetëm zgjidhje”, ka deklaruar kryetari, Baliu.
E nga ana tjetër KEDS kanë një përgjigje për këtë situatë.
“KEDS është në dijeni për kërkesën e banorëve të fshatrave në fjalë. Duke qenë kështu, KEDS ka përpiluar një plan investiv, për të cilin do t’i kërkohet Zyrës së Rregullatorit për Energji që të futet si projekt shtesë për vitin 2025. Bëhet fjalë për një projekt investiv të tensionit të mesëm, i cili besojmë se do të aprovohet nga ZRRE-ja në kuadër të planit investim”, ka thënë zëdhënësi i KEDS-it, Lulzim Krasniqi.
Në shenjë revolte banorët e këtyre fshatrave treguan se nuk të paguajnë energjinë elektrike dhe nuk do lejojnë regjistrimin e orëve.
