Banka Botërore ka publikuar raportin e saj të rregullt ekonomik për Ballkanin Perëndimor – Vjeshtë 2025, ku theksohet se zhvillimi ekonomik në Kosovë po përballet me ngadalësim.
Sipas raportit, pas një rritjeje prej 4.4% në vitin 2024, ekonomia e Kosovës pritet të shënojë një rritje prej 3.8% në vitin 2025 dhe 3.9% në vitin 2026.
Ngadalësimi sipas Bankës Botërore lidhet me sfidat e brendshme ekonomike, por edhe me pasigurinë në tregjet globale dhe ndikimet nga ngadalësimi i ekonomisë evropiane.
Raporti thekson se konsumimi dhe investimet mbeten motorët kryesorë të rritjes, por për të siguruar zhvillim të qëndrueshëm, Kosova duhet të përshpejtojë reformat strukturore dhe të investojë në sektorin privat, infrastrukturë dhe zhvillim digjital. /teve1.info/
