Festim Alidema do të jetë futbollist i skuadrës së Ballkanit përgjatë sezonit 2025/26, mëson Tëvë 1.
Bëhet e ditur se palët tashmë kanë arritur marrëveshjen, dhe është vetëm çështje ditësh përpara se Alidema të zyrtarizohet te skuadra nga Suhareka.
Në garë për Alidemën ishte edhe skuadra e Malishevës, por futbollisti 27-vjeçar preferoi kalimin te Ballkani.
Alidema sezonin e shkuar ishte pjesë Pogradecit, ekip që garoi në Kategorinë e Parë të Shqipërisë dhe për të cilin shënoi 7 gola në 25 paraqitje në të gjitha garat.
Ai në Kosovë ka luajtur edhe për Vllazninë e Pozheranit, Llapin, Dritën e Lirinë, ndërsa karrierë ka bërë edhe në Kroaci.
Me skuadrën e Llapit, Alidema ka fituar Kupën dhe Superkupën e Kosovës në vitin 2022.
