Skuadra e Ballkanit ka arritur fitore të rëndësishme në rrugën për të mbrojtur titullin, duke e mposhtur Llapin me rezultat 0-3.
Në ndeshjen që u zhvillua në stadiumin “Zahir Pajaziti”, suharekasit që nga fillimi ishin më kërkues duke arritur të kalojnë në epërsi me Albion Rrahmanin në minutën e 24’, për rezultatin e pjesës së parë.
Me t’u futur në pjesën e dytë skuadra e Ilir Dajës shënoi dy gola të shpejtë me mbrojtësin Armend Thaçi në minutën e 56 dhe më pas 3 minuta më vonë Meriton Korenica finalizoi një aksion model nga Ballkani.
Ballkani aktualisht është në pozitën e dytë me vetëm një pikë më pak se lideri Drita, por një ndeshje më pak të zhvilluar ndërsa Llapi e sheh vetën në pozitën e gjashtë.
