Kampioni i Kosovës në futboll, Ballkani, ndeshjen e parë të sezonit 2024/25 do ta luaj në shtëpi.
Mbrojtjen e titullit Ballkani e nis kundër Dukagjinit nga Klina. Kështu është përcaktuar të martën pas tërheqjes së shortit për sezonin e ri në Superligën e Kosovës në futboll.
Tërheqja e shortit është bërë të martën në selinë e Federatës së Futbollit të Kosovës (FFK) dhe në praninë e përfaqësuesve të klubeve elitare.
Edhe nënkampioni, Llapi në xhiron e parë luan në shtëpi ku përballet me skuadrën e Gjilanit. Skuadra e Dritës e pret në shtëpi Malishevën që javën e shkuar u eliminua nga kualifikimet e Ligës së Evropës.
Prishtina do të ketë punë me ekipin debutues të Superligës, Suharekën në ndeshjen që do të luhet në kryeqytet.
Ndërkohë, skuadra tjetër e rikthyer në elitë, Ferizaj do të jetë vendas ndaj Feronikelit ’74. Sezoni i ri në Superligën e Kosovës në futboll, nis më datën 10 gusht.
Në xhiron e parë, do të takohen: Ballkani – Dukagjini, Llapi – Gjilani, Drita – Malisheva, Prishtina – Suhareka dhe Ferizaj – Feronikeli ’74.
