Stadiumi “Fadil Vokrri” në mbrëmjen e sotme pritet të jetë më i zhurmshëm se herë të tjera.
Tifogrupi “Xhebrailat” këtë mbrëmje duhet të “gumojë” nga zhurma dhe të jetë lojtari i 12, duke motivuar ekipin suharekas Ballkanin.
Pikërisht këtë, por jo vetëm të suharekasve e kërkoj edhe në konferencë për shtyp, pasditën e së mërkurës trajneri Ilir Daja.
“Ftoj të gjithë sportdashësit e Kosovës për të na mbështetur, sepse do të jenë një shtysë akoma më e madhe për ne karshi një kundërshtari siç është Dinamo e Zagrebit”, ishte apeli i trajnerit Daja në konferencën për shtyp të mërkurën e pasditës.
Ballkani këtë të enjte nga ora 18:45 do të jetë nikoqir i Dinamos së Zagrebit, në ndeshjen që i takoi fazës së dytë grupore të Conference League.
Te Ballkani janë në dijeni për kualitetin dhe cilësinë e kundërshtarit, pavarësisht se ka një numër të mungesave për këtë sfidë. Mirëpo te ekipi suharekas ndjehen të motivuar dhe me përkrahje nga tifozët shpresojnë të dalin me pikë nga ndeshja në Prishtinë.