Skuadra e Ballkanit po vërshon drejt titullit të parë në Superligën e Kosovës. Therandasit në kryendeshjen e xhiros së 29-t të luajtur me Prishtinën, triumfuan pastër me shifra 2:0.
Ekipi i Ilir Dajës të dy golat i ka gjetur në pjesën e parë, duke i dominuar plotësisht mysafirët. Epërsinë portokallinjët e gjetën në minutën e 35-t me Blendi Baftiun, ku edhe pse shënoj nuk festoj duke gëzuar respekt për ish ekipin e tij.
Vetëm gjashtë minuta me vonë vendasit arritën edhe dyfishimin e epërsisë. Ermal Krasniqi ishte realizator, duke i dhuruar fitoren e 19-t sezonale skuadrës së tij.
Me 63 pikë, Ballkani gjendet në vendin e parë, tetë me shumë se përcjellësi Gjilani. Ndërkaq, Prishtina mbetet në vendin e pestë me 38 pikë, por që me këtë gabim ka shuar paksa gjasat për një vend në garat evropiane.
/Tëvë1/
