Kryeministrja e Serbisë, Ana Bërnabiq ka zhvilluar një takim me emisarin e Gjermanisë për Ballkanin Perëndimor, Manuel Sarrazin.
Duke folur për situatën aktuale në Kosovë, Bërnabiq theksoi se pret mbështetje konstruktive që do të mundësojë stabilitet të qëndrueshëm në rajon me zbatimin e marrëveshjeve ekzistuese dhe mbi të gjitha formimin e Asociacionit të Komunave me shumicë serbe, shkruan Kosovo online.
Sarrazin ndërkohë theksoi se bisedimet ndërmjet Beogradit dhe Prishtinës janë një bazë e mirë për progres të mëtejshëm dhe se hapat e fundit në dialog paraqesin një hap të rëndësishëm në rrugën drejt Bashkimit Evropian,
Tutje shtoi se zbatimi i marrëveshjes së fundit është vendimtare.
Ai theksoi gjithashtu rëndësinë e hapave të mëtejshëm për krijimin e një tregu të përbashkët rajonal, duke nënvizuar se pret që rezultatet e nismës së Procesit të Berlinit të mundësojnë krijimin e një mjedisi më të begatë dhe të ofrojnë përfitime konkrete për banorët e rajonit.
