Kryeministri i Shqipërisë, Edi Rama, ai i Maqedonisë së Veriut, Dimitar Kovaçevski dhe presidenti serb Vuçiq, ndodhen për një vizitë dyditore në Itali, ku do të takohen në kuadër të nismës së bashkëpunimit Ballkani i Hapur.
Pas takimit, të tre liderët do të vizitojnë Panairin Ndërkombëtar të Verës “VinItaly 2023” në Verona dhe së bashku me Ministrin e Punëve të Jashtme të Italisë, Antonio Tajani, do të vizitojnë stendën e përbashkët ku ekspozues të shumtë nga vendet anëtare të Ballkanit të Hapur do të prezantojnë verërat e tyre.
ADVERTISEMENT
Më shumë se 200 etiketa të verërave më të mira nga Serbia, Maqedonia e Veriut dhe Shqipëria do të prezantohen në stendën e përbashkët, shkruan rts, përcjell teve1.info.
