Skuadra e Ballkanit është gati që këtë edicion të rrisë apetitet dhe të mos mjaftohet me grupet e Konferencë Ligës. Mirëpo, për të arritur këtë synim duhet që të kalojë testin që ka para vetes, fillimisht sonte.
Ekipi suharekas zbret në tempullin “Fadil Vokrri” me fillim nga ora 18:45 për t’u përballur me ekipin e Astanës. Trajneri i kësaj skuadre, Ilir Daja ndeshjen me Astanan, Daja e ka vlerësuar tejet të vështirë, duke u bazuar në përvojën evropiane të ekipit kundërshtar por ka premtuar se Ballkani nuk do të kursejë asgjë për të bërë një tjetër paraqitje të mirë, nëpërmjet së cilës do ta prezantonte gjithë futbollin kosovar.
Në fund të konferencës, trajneri Daja, si zakonisht, pati apel për të gjithë tifozët. Ai kërkoi që në tribuna të ketë numër sa më të madh shikuesish për ta përkrahur Ballkanin ndaj Astanas. Insistoi se kjo përkrahje do të jetë motiv shtesë për futbollistët e tij.
Ballkani në ndeshjen ndaj Astanas futet pas fitores së madhe, 2:0, që e arriti në Prishtinë kundër Dinamos më 5 tetor. Ndërkohë, Astana ka dy humbje. Grupit i prin Viktoria Plzeni me 6 pikë, ndërsa Dinamo e Zagrebit ka po ashtu 3 pikë.
