Skuadra e Ballkanit ka vazhduar me përforcimet në këtë afat kalimtar të verës, në mënyrë që të jetë sa më e kompletuar për duelet evropiane.
Të hënën, Ballkani ka bërë të ditur se është forcuar me mbrojtësin kroat Ivica Batarelo, i cili do të jetë pjesë e ekipit nga Suhareka për sezonin e ri.
Batarelo ka një karrierë të pasur si futbollist në Kroaci, Slloveni dhe Bosnjë e Hercegovinë, ndërsa në sezonin 2025/26 do të sfidohet edhe në futbollin kosovar.
“Me përvojën e tij dhe mentalitetin garues, Batarelo pritet të jetë një shtyllë e rëndësishme në mbrojtjen e FC Ballkanit për sezonin e ri”, ka njoftuar ekipi nga Suhareka.
Para kroatit Batarelo, Ballkani është forcuar edhe me nigerianët Albert Diene e Valentin Serebe.
