Nënkampioni i Kosovës në futboll, Ballkani ka triumfuar në ndeshjen e parë ndaj Shamrock Roversit në raundin e tretë kualifikues të Ligës së Konferencës.
Në duelin e parë që u luajt në stadiumin “Fadil Vokrri” në Prishtinë, Ballkani mposhti kundërshtarin nga Irlanda me rezultatin minimal 1:0.
Skuadra nga Suhareka pati paraqitje të mirë dhe ka mundur të shënojë fitore edhe më të thellë por nu kia doli ta mposht më shumë se një herë portierin kundërshtar.
Golin e vetëm në këtë takim, e shënoi sulmuesi Sunday Adetunji në fillim të pjesës së dytë pasi pjesa e parë përfundoi pa gola.
Adetunji realizoi në minutën e 56-të për të marrë një rezultat të favorshëm para ndeshjes së kthimit që luhet javën e ardhshme në Irlandë.
