17:05 Ballkani fiton me vështirësi ndaj Malishevës
Ballkani ka shënuar fitore të dielën në kuadër të xhiros së gjashtë të Superligës së Kosovës në futboll, por me vështirësi. Ballkani fitoi me rezultatin 3:2 ndaj Malishevës, ndërsa ishte në disavantazh fillimisht. Drilon Hazrollaj në minutën e shtatë shënoi për epërsinë e malishevasve.
Më pas, Gentrit Halili në minutën e 21-të dhe Nazmi Gripshi në minutën e 30-të, realizuan për rikthimin e rezultatit. Ballkani arriti ta shënonte edhe një tjetër gol në minutën e 75-të me mesfushorin Qëndrim Zyba. Malisheva nuk u dorëzua dhe ngushtoi epërsinë dy minuta më pas. Realizoi Altin Aliu. Megjithatë, Malisheva nuk arriti të shënonte tjetër gol për të marrë një pikë nga ky udhëtim i vështirë.
Ballkani ngjitet në vendin e dytë me 13 pikë pas pesë ndeshjeve. Ka pikë të njëjta me Llapin por goldallim më të dobët. Malisheva bie në pozitën e tretë me nëntë pikë në gjashtë ndeshje. Drita ka po aq pikë në vendin e katërt, me një ndeshje më pak të luajtur, dhe me goldallim më të dobët.
16:47 Malisheva ngushton epërsinë
Malisheva zbut epërsinë në Suharekë. Tani Ballkani po fiton me rezultat 3:2 ndaj Malishevës.
Altin Aliu në minutën e 77 ka ngushtuar epërsinë.
16:45 Ballkani ngritë epërsinë ndaj Malishevës
Ballkani nga ngritur epërsinë ndaj Malishevës në Suharekë.
Qendrim Zyba ka shënuar gol për ekipin suharekas. Zyba shënoi në minutën e 75′.
15:53 Ballkani me përmbysje shkon në pushim
Ballkani ka shkuar në pushim mes pjesëve me epërsinë e një goli. Ballkani në kuadër të xhiros së gjashtë është duke fituar ndaj Malishevës me rezultatin 2:1. Për Malishevën fillimisht shënoi Drilon Hazrollaj në minutën e shtatë.
Gentrit Halili i Ballkanit barazoi shifrat në minutën e 21-të, ndërsa Nazmi Gripshi në minutën e 30-të, realizoi për 2:1 për Ballkanin.
Ndeshja po luhet në stadiumin e qytetit në Suharekë
15:37 Ballkani përmbys Malishevën në Suharekë
Nazmi Gripshi me golin e shënuar në minutën e 30-të, ka kaluar Ballkanin në epërsi 2:1.
Gripshi shfrytëzoi asistimin e Walid Hamidit, dhe me të majtën mposhti portierin kundërshtar me goditje të fortë nga zona.
15:25 Reagon Ballkani, Halili rikthen baraspeshën me Malishevën
Ballkani ka baraspeshuar shifrat ndaj Malishevës në Suharekë.
Gentrit Halili ka shënuar gol, pas një asistimi nga Armend Thaqi. Halili shënoi në minutën e 21′.
15:20 Malisheva po befason Ballkani, Hazrollaj i jep epërsinë
Drilon Hazrollaj ka shënuar gol për Malishevën, që po e befason Ballkanin në stadiumin e qytetit në Suharekë.
Hazrollaj realizoi pas tollovisë së krijuar në zonë. Hazrollaj shënoi në minutën e shtatë.
14:19 Ballkani – Malisheva, formacionet zyrtare
Ballkani është nikoqir i Malishevës në kuadër të xhiros së gjashtë nëSuperligë.
Dy skuadrat e kanë nisur shumë mirë këtë sezon dhe qëndrojnë në pjesën e epërme të tabelës. Megjithatë në këtë sfidë si Ballkani ashtu edhe Malisheva vijnë pas ndalesave, ku kampioni luajti baras 1-1 me Dukagjinin, teksa Malisheva u mposht 1-0 nga Gjilani.
Ballkani: Koliçi, Thaqi, Halili, Dellova, Potoku, Zyba, Limaj, Hamidi, Gripshi, Kryeziu, Berisha.
Malisheva: Gashi, Pira, Lichina, Kryeziu, Prekazi, Vitija, Mustafa, Bruti, Hazrollaj, Hoti, Elom Nyavedji.
