Skuadra e Ballkanit ka shënuar fitore të thellë 0 me 4 në ndeshjen e parë në UEFA Conference League ndaj La Fiorita.
Kampioni i Superligës së Kosovës fatin e ndeshjes e vulosi qysh në pjesën e parë me dy gola të shpejtë, nga Meriton Korenica (6) dhe Albion Rrahmani (23).
Pjesën e dytë ekipi i Ilir Dajës e nisi me shumë qetësi, kurse në minutën e 50’të, Albion Rrahmani shënoi edhe golin e tij të dytë personal dhe të tretin për ekipin e tij.
Golin e katërt dhe të fundit në këtë ndeshje e shënoi, Albin Berisha në minutën e 73’të.
Ndeshja e kthimit zhvillohet më 26 korrik në stadiumin ‘Fadil Vokrri’ – Prishtinë.
Si kundërshtar të ardhshëm skuadra nga Suhareka do ta ketë fituesin e duelit, Sutjeska – Klaksvik.
