Ballkani dhe Drita kanë publikuar tashmë formacionet zyrtare për ndeshjen e vlefshme për javën e 15-të në Superligën e Kosovës.
Therandasit janë nikoqir të gjilanasve në takimin që pritet të zhvillohet në ‘Stadiumin e qytetit’ me fillim nga ora 13:00.
Ekipi i Artim Pollozhanit është në një formë të mirë prej dy fitoreve dhe një barazimi në tri ndeshjet e fundit dhe synon tri pikët nga ky derbi pasi dëshiron të zvogëloj epërsinë e Dritës kryesuese.
Në anën tjetër, ekipi i Zekirija Ramadanit është në formë edhe më të lartë me tri fitore radhazi dhe synon përsëri rezultat pozitiv nga ky derbi, pasi dëshiron të ruaj epërsinë prej pesë pikëve apo eventualisht ta rris atë.
Trajnerët e të dyja skuadrave kanë vendosur të startojnë me formacionet më të mira të mundshme.
Ballkani: Koliçi; Smajli, Jashanica, Thaqi, Potoku; Emerllahu, Ismajlgeci; Hamidi, Queven, Tolaj; Adetunji;
Drita: Maloku; Be.Krasniqi, Bejtullai, Ovouka, Sheji; Selmani, Broja, Dabiqaj, Ajzeraj; Krasniqi, Manaj;
