Eksperti i marrëdhënieve ndërkombëtare, Mustafë Bajrami, ka thënë se votat e myslimanëve amerikanë do ta përcaktojnë fituesin e këtyre zgjedhjeve që janë duke u mbajtur sot në ShBA.
Sipas tij, këto vota do të shkojnë për kandidatin republikan, Donald Trump.
“Ajo që mendoj unë e që është tepër sfiduese që sipas meje do të përcaktojë fituesin, nëse vërtetë iu besohet sondazheve të fundit, pra të mbrëmshme 48 për qind është vota e myslimaneve amerikanë. Ngjarja e Gazës do t’i imponojë dy momente të rëndësishme, jo vetëm në marrëdhënie ndërkombëtare, por në histori… unë mendoj që votat e tyre do të shkojnë për Trump”, ka thënë ai.
Votuesit amerikanë do të vendosin sot nëse nënpresidentja Kamala Harris do të bëhet presidentja e parë grua e Shteteve të Bashkuara, ose do të rikthejnë në Shtëpinë e Bardhë ish presidentin Donald Trump, i cili humbi zgjedhjet në vitin 2020.
Anketat e opinionit tregojnë se demokratja Harris dhe republikani Trump ndodhen përballë një prej garave më të ngushta presidenciale në dekada.
Fituesi i zgjedhjeve e fillon mandatin katërvjeçar në janar të vitit 2025.
