Bajrami në emisionin “Ditari” në Tëvë1, tha se për Komunën e Shtimes që qeveriset nga Lëvizja Vetëvendosje janë ndarë 7.5 milionë euro, ndërsa për Lipjanin që qeveriset nga Lidhja Demokratike e Kosovës janë ndarë vetëm 1.8 milionë euro për investime kapitale.
“Janë 7.5 milionë euro të ndara për Komunën e Shtimes dhe po e potencoj edhe njëherë edhe pse nuk udhëheqim në Shtime, neve na vjen mirë që në atje do të ketë investime. Por në Komunën e Lipjanit e cila është një komunë më e madhe sesa Shtimja edhe për nga territori edhe nga numri i banorëve ka vetëm 1.8 milionë euro investime kapitale”, ka deklaruar ajo.
Bajrami thotë se kjo ndaje është bërë në bazë të përfaqësimeve politike. “Jo që dyshojmë, kjo është e vërtetuar me analizat që i kemi bërë”, shtoi ajo.
Sot, Kuvendi me 64 vota pro ka miratuar në parim Projektligji për ndarjet buxhetore për vitin 2023, i cili arrin vlerën 3.2 miliardë euro. /Teve1.info/
