Deputetja e LDK-së, Hykmete Bajrami ka reaguar ndaj qeverisë aktuale për bllokimin institucional që sipas saj, po e dëmtojnë shtetin e Kosovës.
Ajo ka theksuar se patriotizmi sot nuk qëndron në deklarata, por në punë konkrete për shtetin.
Sipas saj, deputetët e Kuvendit s’munden askënd ta përjashtojnë nga përfaqësimi, por një veprim i tillë ka qenë i mundur nga ana e Qeverisë, përmes shpalljes së Listës Serbe si organizatë terroriste, një hap siç tha ajo, nuk është bërë.
“Çdo qytetarë i Kosovës e ka të qartë se kush po e mban vendin të bllokuar, vetëm ne jemi pa institucione prej dhjetorit të vitit të kaluar, kur janë shpallur zgjedhjet deri më tani sepse këta nuk e kanë hallin e Kosovës, po na i rrënojnë isntitucionet çdo ditë, sot patriotizëm është me punua për vendin mos me u korrektua.
Ne si deputet të Parlamentit të Kosovës nuk mundemi me i përjashtua askënd nga Kuvendi, ato ka mundur t’i përjashtojë Qeveria e Kosovës duke e shpallur organizatë terroriste. Këta kur e kanë pasur mundësinë me shpallë Listën Serbe organizatë terroriste nuk e kanë bërë një gjë të tillë, të gjitha mundësitë i kanë pas, kur e kanë pasur mundësinë me e kap Radoiçiqin dhe sot me e pas të mbyllur nuk e kanë bërë një gjë të tillë ia kanë krijua korridorin dhe ai me dalë”, ka deklaruar Bajrami pas mbylljes së seancës.
Madje ajo tha se nuk do të marrin pjesë si parti në takimin e ftuar për të hënën nga kryetari i Kuvendit të Kosovës, Dimal Basha ku pritet të diskutohet për situatën politike.
“Jo absolutisht sepse konsiderojmë se çdogjë që ndodh pas mbylljes arbitare të seancës pa konstituimin e kuvendit është anti kushtetuese, nuk do të marrim pjesë“, theksoi ai./teve1.info/
