Deputetja e LDK-së, Hykmete Bajrami se për këtë subjekt politik s’ka asnjë kandidat të pranueshëm nga Vetëvendosje të cilin do ta votonin.
Sipas Bajramit Lëvizja Vetëvendosje janë shkelës të vazhdueshëm të kushtetutës.
Ajo ka shtuar se Lidhja Demokratike e Kosovës nuk janë të gatshëm të kenë marrëveshje politike.
“Siç e patë, edhe sot u shënua një tjetër vazhdim i dështuar i seancës. Rrethanat nuk po ndryshojnë, ndërkohë që nga Vetëvendosje po kërkon që të ndryshohet dhe imponohet vota e deputetëve. Ne e kemi theksuar qartë se vota e deputetit është e lirë dhe e pakushtëzuar. Është përfaqësues i popullit s’mund ta detyrojë askush sepse është i lirë të votojë. Jemi shprehur disa herë që nuk jemi të gatshëm të kemi marrëveshje politike. Kryetari i Kuvendit zgjidhet në dy mënyra: ose me marrëveshje politike, ose duke propozuar një kandidat të pranueshëm. Ne e kemi thënë disa herë se për LDK-në nuk ka kandidat të pranueshëm nga Vetëvendosje, pikësëpari për shkak të historikut të tyre dhe për shkak se janë shkelës të vazhdueshëm të Kushtetutës. Edhe pas betimit si deputet vazhdojnë të dalin në zyre dhe kanë marrë peng zyrat e institucioneve të Kosovës, e kanë shkelur betimin si deputet dhe Kushtetutën”, ka deklaruar Bajrami pas përfundimit të seancës konstituive të Kuvendit.
Bajrami tutje ka njoftuar se një grup i juristëve të LDK-së janë në finalizim të kallëzimit penal që do të bëhet në drejtim të Kurtit dhe ministrave në detyrë.
“Një grup i juristëve të LDK-së tanimë është në proces të finalizimit të kallëzimit penal që besoj se nesër do ta dorëzojmë. Në s’jemi mbretëri s’mbesin institucionet e thata pasi ka zëvendës, secili zëvendës mund të kryejë punën kur mungon ministri, në të kundërtën s’do të duhej të bënin betimin. Deputetët që e kanë bërë betimin si deputetë pra. Nuk është çështje e interpretimit sepse neni 71 i Kushtetutës e tregon qartë.Dehari thjeshtë bën udhëheqjen e seancës konstituive, por s’ka autorizime për të ftuar takime. Ne e kemi deklaruar votën tonë, s’jemi të gatshëm për kompromise me VV-në dhe s’kemi arsye për çfarë të marrim pjesë në takim. Vetëvendosje në këtë pikë e ka përgjegjësinë kryesore për zhbllokimin e institucioneve dhe konstituimin e Kuvendit. Është parti e parë dhe si e tillë të krijojë shumicën parlamentare”, ka shtuar ajo.
