Deputetja e LDK-së, Hykmete Bajrami ka thënë se ministrave të Kurtit dje iu kanë dalë pagat për rreth 400 euro më shumë.
Për këtë Bajrami tha se kanë filluar edhe të tallen me qytetarët.
“Ministrave të Kurtit dje u ka dalë paga për rreth 400 Euro më e lartë, në krahasim me muajin janar. Tani paskan fillu edhe u tallë me qytetarët. Mosni se nuk është mirë kështu!”, ka shkruar ajo në një postim në Facebook.
Po ashtu, Bajrami ka reaguar edhe ndaj deklaratave të ministres së Ekonomisë, Artane Rizvanoli për kursimin e energjisë elektrike.
“Ministrja paska thanë janë kursy 1 milion euro. Ku ministre ke kursy, pasi që të dhënat e KOSTT-it dhe ZRRE-së, e të cilat ju asnjëherë nuk i keni kontestu thonë se vetëm shpenzimi i energjisë në katër komunat verior, për 2022 kapë shumën prej 63 milionë euro”, ka përfunduar ajo. /Teve1.info/