Deputetja e LDK-së, Hykmete Bajrami ka thënë se është fatkeqësi e madhe që fituese e zgjedhjeve është LVV, e që sipas saj është parti arrogante.
Bajrami ka thënë se LVV janë bllokues të institucioneve dhe nëse një parti tjetër do të dilte e para, tashmë vetëm se do të ishin formuar institucionet.
Tutje, ajo tha se LDK do të ishte kjo parti, atëherë sot do të kishim kryeparlamentarin e Qeverinë.
“Mu me vjen keq sinqerisht që ne e kemi fituese një parti, e cila përpos arrogancës nuk ka asgjë tjetër. Dmth kjo është definitivisht arrogancë. Dhe si ka mundësi që këta bëjnë deklarata të tilla dhe presin madje, na tregojnë deputeteve që janë të zgjedhur… se ne nuk kemi nga t’ia mbajmë dhe duhet patjetër që ta votojmë. Është tepër fatkeqësi e madhe që ne sot ata i kemi në pozicionin që i kemi… Janë pikërisht këta bllokuesit. Unë një gjë mund t’iu garantojë që cilado prej partive të tjera që kish me dalë e para, coftë edhe vetëm me 10 vota diferencë, ju sot do ta kishit qeverinë… Nëse ne do të ishim të parët, sot do ta kishim kryeparlamentarin, Qeverinë dhe të gjitha…”, ka thënë ajo në emisionin “Info Nata” në Tëvë1.
