Ish-ministrja dhe deputetja e LDK-së, Hykmete Bajrami, i ka reaguar ministrit të Financave, Hekuran Murati, i cili tha se LDK-ja e ka dërguar në Kushtetuese Ligjin për Çmimet Tavan, ligj me të cilin do të rregulloheshin çmimet e disa produkteve.
Bajrami në një postim në Facebook ka thënë se duhet më qenë tepër i dështuar, për të pretenduar se “LDK-ja nuk po ju lejojnë më punu”.
Ai po ashtu tha se ai duhet të lë ministrinë, pasi sipas saj nuk është për të, shkruan teve1.info
“Duhesh me qenë tepër i dështuar, kur je në pozitën e ministrit të financave, në vitin e tretë të mandatit dhe i takon një qeverie që i ka të gjitha nivelet e pushtetit e krejt çka ke me thënë është se “LDK-ja s’po me len me punu. Le ministër, shko në shpi se kjo nuk është punë për ty – populli thotë nuk shkon me zor”.
Tutje ajo ka thënë se është viti i tretë i mandatit dhe nuk ka asnjë politikë fiskale,asnjë reformë strukturore, asnjë arritje, asnjë listë e publikuar e përfitueseve, investimet kapitale me të ulëtat në dekadën e fundit, skandale, korrupsion e nepotizëm gjithandej dhe ‘fajet LDK-ja’. Pse je kaq patetik ministër? LDK-ja ka me qenë në mbrojtje të kushtetutës gjithmonë.
Ajo tha se rënia e çmimit të derivateve dhe vajit ushqimor nuk është bërë me ligj, por pikërisht tregu i lirë/konkurrenca e ka bërë këtë.
“Ju s’keni qenë në gjendje të ndërmerrni asgjë, andaj edhe në atë që ke thënë brenda disa rreshtave je kundërthënës edhe vetën. Dhe një këshillë të sinqertë: mos hartoni/votoni ligje antikushtetuese sepse prapë do të përfundojnë në Gjykatë Kushtetuese, prej tani po të tregoj që Ligji për Fondin Sovran është i tillë për shkak të nenit 65 të tij, andaj mos thuaj nesër “LDK-ja i ka fajet”, sepse ne nuk ndjehemi në faj kur jemi në mbrojtje të Kushtetutës.P.S.
”Fajet i ka LDK-ja pse Martin Berishaj përpos me diplomaci merret kapak edhe me shit-blerjen e energjisë. Fajet i ka LDK-ja pse kryeshefi i KEK-ut ndodhet në paraburgim. Fajet i ka LDK-ja që s’ka asnjë njohje të shtetit të Kosovës”, ka shkruar ajo./teve1.info/