Deputetja e zgjedhur e Lidhjes Demokratike të Kosovës, Hykmete Bajrami, ka akuzuar kryeministrin në detyrë, Albin Kurti, se nuk po e lufton mafinë energjetike, por përmes “veglave të tij” ka vendosur ta sulmojë bashkëpartiaken e saj, Janina Ymerin.
Reagimi i Bajramit erdhi pas padisë së Korporatës Energjetike të Kosovës ndaj Ymerit ‘me qëllim të ndalimit të përhapjes së informatave të rreme dhe propagandës’.
“Albin Kurti në vitin 2019 thoshte se nuk je lider shqiptar nëse nuk e lufton mafinë energjetike. Sot, pas pesë vitesh qeverisje, ai nuk po e lufton mafinë energjetike. Përkundrazi, përmes veglave të tij, ka vendosur ta luftojë Janina Ymerin. Për rikujtim: Bordi i ZRRE-së, i zgjedhur nga Albin Kurti, e ka licencuar EFT-në e Vuk Hamoviçit dhe superkompaninë NOA. Këtu jemi! Pavarësisht rezultatit të 28 dhjetorit, nuk heshtim”, ka shkruar Bajrami në Facebook.
