Avokati, Ardian Bajraktari, ka thënë se është shkelje e procedurale mosinformimi i arsyes për të arrestuarit nga Gjykata Speciale.
Ai ka thënë se nuk mund të bëhet asnjë veprim pa prezencën e avokatit të të arrestuarit.
Gjykata Speciale, nuk ka dhënë arsyet e arrestimit të Isni Kilajt, Fadil Fazliu e Bashkim Smakaj. Madje për arsyet e arrestimin nuk kanë pasur informacion as avokatët e familjarët e të arrestuarve.
E sipas Bajraktarit, kjo është një formë e “kidnapimit”.
“Nuk duhet të bëhet asnjë veprim pa prezencën e avokatit mbrojtës me përzgjedhjen e tij. Edhe nëse nuk janë intervistu dhe po mbahen prej mëngjesit aty edhe kjo është shkelje, sepse s’mundët me u mbajt dikush paarsyeshme të qëndrueshme edhe kaq gjatë mos me u bë as transparencë minimale dhe as familjarët e tyre mos me pas informacion. Kjo ngjason me kogja një llojë ‘kidnapimi’. Prej mëngjesit tre persona janë në ndalim dhe nuk është dhënë mundësia me kontkau me avokatët mbrojtës sipas zgjedhjes së tyre, çka mund t’i themi kësaj”, ka thënë Bajraktari në emisionin “Këndi i Debatit” në Tëvë1.
Fahri Fazliu, djali i Fadil Fazliut ka thënë se edhe deri në orët e pasdites nuk kanë njohuri për arsyet e arrestimit.
