Ish-kryetari i Mitrovicës, Agim Bahtiri, thotë se i dhimbset qyteti, sepse ka pësuar keq nga qeverisja e tanishme e kryetarit të Partisë Demokratike të Kosovës, Bedri Hamzës.
Bahtiri thotë se shumë projekte që kanë qenë për tu bërë, e që i ka lënë në gjysmë ende nuk kanë filluar të realizohen.
“Secili kryetar e ka planin e tij menaxherial të vetin, por më dhimbset qyteti i Mitrovicës, sepse mendoj unë që ka pësuar keq, nga kjo qeverisje, për arsye që shumë projekte që kanë qenë për tu bërë që i kam nisur dhe kanë mbetur në gjysmë, nuk kanë filluar dhe paratë të cilat i kam dërguar projektet në 2021 për vitin 2022 është aprovuar në Kuvendin e Kosovës me 7 milionë e 211 mijë euro dhe asnjë cent nuk është prek prej atyre, janë kthyer përsëri në qeveri që është një humbje jashtëzakonisht e madhe e një kryetari të komunës”, tha ai në emisionin “Info Nata” në Tëvë1.
Ish-kryetari thotë se Hamza nuk i ka kërkuar asnjëherë ndihmë.
“Me thënë të vërtetën unë kur ia kam dorëzuar qeverisjen lokale i kam thënë që do të jem 24 orë në dispozicion për të ndihmuar, për arsye që unë e dua atë vend. S’ka lidhje asnjëherë se kush është kryetar. Unë do t’i ndihmoj çdo qytetari. Nuk më ka kërkuar asnjëherë ndihmë, kam qenë jam munduar të ia them atë të cilin është dashur të ia them, ia kam treguar të gjitha projektet të cilat kanë mbetur”, shtoi ai./teve1.info/
