Njohësi i çështjeve politike, Agim Baçi, e sheh në një udhëkryq opozitën në Shqipëri në prag të zgjedhjeve të vitit 2025.
Sipas tij, veprimet e fundit të opozitës atje janë një tentativë për tu afruar me votuesin si dhe një mënyrë për t’i treguar ‘muskujt’ qeverisë.
“Opozita ndodhet në një udhëkryq të mënyrës se si duhet të ofrojë votuesit kur na ndajnë vetëm disa muaj para zgjedhjeve të vitit 2025 dhe kushtet me të cilat po vjen në këto zgjedhje ku kryetari PD-së është në arrest shtëpiak në disa akuza është edhe non grata ka një braktisje edhe nga ndërkombëtarët zgjidhja e rrugës është një lloj agravimi që të bëjë shumicën e shqiptarëve të ndjekin rrugën e protestës dhe t’i tregojnë qeverisë ‘muskujt’ që i duhen opozitës për tu përballur”, ka thënë ai në emisionin “Info Nata” në tëvë1.
Ashpërsimin e PD-së si brenda dhe si jashtë Kuvendit e vlerëson të gabuar, pasi sipas tij ashtu sikur vitin e shkuar do të përfundojnë prapë duke u ulur në të njëjtën tavolinë me kryeministrin Rama për të bërë marrëveshje.
“Unë mendoj se është e gabuar sidomos pas asaj që ndodhi vitin e kaluar ku opozita për një kohë të gjatë bllokoi kuvendin dhe pastaj përfundoi në tavolinë me Ramen duke bërë marrëveshje rikthimi, në këtë situatë pavarsisht burgosjes së Salinjanjit nuk e shpjegon dot se dihet përfundimi aq më tepër që Rama arriti ti ulte pas protestës së parë, atëhere si është e mundur që do të ulesh prapë me të se do të protestosh kundër tij kur e di shumë mirë që do të shkosh prapë në të njëjtën tryezë, kur thua që nuk besohet ai, si shkove para disa muajsh kur e dije që Rama nuk besohet për marrëveshje”, ka shtuar ai.
Ndërsa, i pyetur se a ka ndikuar burgosja e Salianjit në situatën aktuale politike në Shqipëri, Baci ka thënë se secila parti opozitare do ta përdorte politikisht burgosjen e një deputeti, mirëpo për mendimin e tij, opozita duhet ta pyesë veten se a është ky modeli që kërkojnë qytetarët shqiptarë për të besuar një alternativë qeverisëse.
“Çdo parti në pushtet do ta përdorte politikisht sidomos kur është në opozitë burgosjen e një deputeti por ajo që duhet theksuar këtu është fakti se opozita duhet ti bëjë një analizë vetvetes a është ky modeli që kërkojnë qytetarët shqiptarë për të besuar një alternativë qeverisëse”, ka theksuar Baci./teve1.info/
