Një person është arrestuar nga Policia e Kosovës, pasi që i njëjti dyshohet se ka sulmuar fizikisht vajzën e tij, të shtunën në Pejë.
Rastin për dhunë në familje e ka raportuar vetë viktima në Policinë e Kosovës, ku e njëjta si pasojë e dhunës fizike ka pranuar edhe tretman mjekësor.
I dyshuari është arrestuar, dhe pas intervistimit me vendim të prokurorit është dërguar në mbajtje.
“Viktima femër kosovare ka njoftuar policinë se është sulmuar fizikisht nga babai. Viktima ka pranuar trajtim mjekësor, ndërsa i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në njoftimin e Policisë së Kosovës./teve1.info/
