Në këmbë nuk mund të qëndroj.
Por pjesëmarrjen në homazhet për të birin që i ra dëshmor në Lagjen e re të Kaçanikut e pati të domosdoshme Azem Krivenjeva.
90 vjeçarit i zbutet dhimbja kur sheh gjithë këta njerëz që po nderojnë sakrificën e birit të tij më shokë për lirinë e Republikës.
“Ai me shokë ka shkuar për këtë ditë me u liruar ky popull se këtu s’ka pas njeri të gjallë unë kam qëndruar këtu deri sa ka përfunduar lufta e këtu s’ke pa njeri të gjallë. Ata kanë ra dëshmor për këtë tokë, sot u mbush këtu sikur bari me fëmije, burra e gra”, ka deklaruar babai i dëshmorit.
Krivenjeva rrëfen për momentet e fundit me të birin që ra në altarin e lirisë, Raifin.
“E mbaj mend kur e kem përcjell familjen për Shkup, i kam thanë hajde se ki djalë e cikë, djalin e ka pas shumë sëmurë një vit ka qenë. Thash hajde se jem tu e përcjell familjen për Shkup, jo tha unë nuk vij, i thash hajde se djali sëmur vdes ne rrugë tha le të vdes skam çka bëjë”.
E të freskëta baca Azemi i ka edhe ato ditët e luftës kur hanin ushqim së bashku.
Sa janë kanë këtu unë drekë kam ngrënë me të çdo ditë edhe dalsha në katun atje lartë.
33 vjeçarin, babi i tij Azemi e kishte të dalluar.
“U kanë alltën se i kam pas edhe 4 të tjerë, ky u kanë më i vogli, por u kane i dëgjueshëm shumë edhe punëtorë u kanë shumë”, tha ai.
Të birin duke e mbrojtur atdheun e humbi edhe Haxhi Daut Shehu.
“Unë bashkë me to jam kane kur ka ra dëshmor në atë vend para 26 vjet aty jam kanë edhe unë. Na kanë rrethaku në katër anët, e s’kemi pas rrugë dalje me shpëtuar. Mua më ka dhënë së pari plumbat, e ec, ec,ec, nëpër plumba tjerët i vranë krejt”.
Edhe vet Haxhi Dauti, ka kontribuar në lirinë e vendit bashkë më të birin Avdurrahimin, 39 vjeçar në atë kohë si pjesëtarë të Ushtrisë Çlirimtare të Kosovës.
“Unë e djali e kemi pas logjistiken i kemi furnizuar ushtarët me bukë e armë, në Radushë jam kanë, në Bllacë jam kanë kemi bajt armë e i kemi furnizuar, shtëpia jem u kanë plot me armë”, ka deklaruar ai.
Në mesin e 32 dëshmorëve të Kaçanikut është edhe Kjani Bela.
E nën emocione vëllai i dëshmorit Jakupi, tregon se është krenar për vëllanë dëshmorë.
“Kur jam pa me vëllain u kanë kur kemi pas me ec për Shkup më nuk e kam pa. Jam shumë krenar e kam pas vëlla për shpirti u kanë djalë shumë i mirë”.
Në frontin e lirisë në Kaçanik ranë 28 dëshmorë e 32 martirë më 9 prill të vitit 1999.
