Policia e Kosovës ka bërë të ditur se është në kërkim të një shtetasi kosovar i cili dyshohet se ka ushtruar dhunë të përsëritur psikike dhe fizike ndaj fëmijëve të tij.
Rasti është raportuar në stacionin policor në Obiliq, ku sipas njoftimit zyrtar të policisë, bëhet fjalë për një rast serioz të keqtrajtimit të fëmijëve në familje.
“Është raportuar se i dyshuari, mashkull kosovar, vazhdimisht ushtron dhunë psikike dhe fizike ndaj fëmijëve të tij. Në konsultim me prokurorin është iniciuar rasti, ndërsa i dyshuari është në kërkim”, thuhet në raportin e Policisë së Kosovës.
Autoritetet janë duke ndërmarrë veprimet e nevojshme për lokalizimin dhe arrestimin e të dyshuarit, ndërkohë që rasti është duke u trajtuar nga prokuroria kompetente.
