Visar Azemi nga LDK-ja thotë se në zgjedhjet e 9 shkurtit, ky subjekt politik shënoi ngritje të votave, për rreth 60 për qind.
Azemi shprehet optimistë që për LDK-në kjo ngritje nuk është e kënaqshme, por që tregon rezultatin e ngritjes së votave në atë nivel që paritë tjera nuk e kanë arritur.
“LDK-ja e ka bërë ngritjen e votave, ka hy në këto zgjedhje nga një parti e cila 110 mijë vota bashkë me Aleancën Kosova e Re. Pra, në një prezantim të shkurtër, që e kemi parë edhe në prononcimet e kryetarit shohim që LDK-ja ka pasur një ngritje prej së paku 60 mijë votave në këto zgjedhje, kjo nuk është pak! Sepse, asnjëra nga partitë nuk i ka ngritur 60 mijë vota”, tha ai në emisionin “Këndi i Debatit” në Tëvë1.
Tutje, ai thotë se këtë ngritje prej 60 mijë votave, LDK-ja e mori falë punës së drejtë dhe të mirë, madje edhe pa kualicion.
“LVV-ja ka një rënie, diku rreth 20 për qind, LDK-ja e ka rritë votën për 60%. Pse nuk po e krijojmë narracionin në këtë aspekt për të parë që LDK-ja përnjëmend ka bërë një hap bukur të madh dhe ka arrit me kthye elektoratin, të cilin në zgjedhjet e vitit 2021 e kishte humbur duke lëvizur drejtë një partie që ka qenë në pushtet katër vitet e fundit. Përtej kësaj, një parti në pushtet prapë s’ka mundur me i mbajtë ata votues të LDK-së dhe kjo dëshmon që LDK-ja ka punuar drejtë, ka punuar mirë dhe ka punuar me atë elektorat, të cilin e ka humbur në zgjedhjet e kaluara”, deklaroi ai./teve1.info/
