Azemi në këtë marrëveshje problem e sheh palën serbe, për të cilët ai thotë se më herët nuk u janë përmbajtur marrëveshjeve.
“Pala serbe del me një deklaratë dhe thotë që “ne tanimë do ta furnizojmë pjesën veriore të Kosovës me energji elektrike”. Mirëpo, ajo energji elektrike a do të vijë nga Serbia apo është obligim i KEK-ut për të furnizuar atë pjesë me energji elektrike. Pra, dikush duhet të na tregojë disa aspekte të cilat ne nuk i dimë, kjo në mënyrë për ta kuptuar sa do të jetë e kushtetueshme tërë kjo dakordancë e cila është arritur sot. Është një pyetje për të cilën ende nuk ka përgjigje. Problemi këtu është që sa është e gatshme pala serbe t’i përmbahet kësaj dakordance të cilën e kemi parë edhe më herët që nuk janë përmbajtur”, tha ai në emisionin “Këndi i Debatit” në Tëvë.
Sot në Bruksel, Kosova dhe Serbia kanë rënë dakord për zbatimin e marrëveshjes për energjinë elektrike në veriun e Kosovës./Tëvë1.info.
