Visar Azemi nga Lidhja Demokratike e Kosovës ka thënë se mungesa e furnizimit me energji elektrike është sipasojë e dështimit dhe paaftësisë së Qeverisë për të ofruar zgjidhje për furnizim të rregullt.
Ai tha se kjo gjendje është duke u përsëritur çdo vit dhe gjendja është duke u bërë më e vështirë duke marrë parasysh motin që po mbretëron.
Sipas tij, Qeveria për 4 vjet ka treguar që nuk as vizion e as plan sa i përket zgjidhjes së problemit të energjisë elektrike.
“Janë bërë disa ditë e kjo gjendje me mungesë të energjisë po na përsëritet çdo vit. Po kemi probleme serioze me furnizim me energji elektrike. Reduktimet që kanë filluar në shumë qytete e fshatra janë shumë të ashpra. Gjendja bëhet edhe më e vështirë nëse marrim parasysh të ftohtin që po mbretëron. Këto reduktime dhe mungesë e energjisë janë pasojë e paaftësisë dhe dështimit të Qeverisë që të ofrojë zgjidhje për furnizim të rregullt“, ka deklaruar ai.
Ai tha se LDK ka kohë që i ka bërë thirrje Qeverisë që të marrë masa për tu përballur me krizën energjetike.
“Qytetarët e Kosovës janë lodhur nga jetesa në errësirë…përderisa Qeveria po mbyll sytë përball kësaj krize të thellë energjetike. Në gjendje shumë më të vështirë janë edhe bizneset, sidomos ato prodhuese që mungesa e energjisë elektrike po ju shkakton humbje të mëdha”, ka deklaruar ai.
Azemi ka thënë se programi i LDK-së ka zgjidhjen për krizën energjetike.
“Ky problem është lehtë i zgjidhur, me planin konkret të Lidhjes Demokratike të Kosovës, i cili ofron zgjidhje të përhershëm për sektorin e energjisë. Kemi përsëritur se mungesa e furnizimit me energji elektrike eliminohet me ndërtimin e termocentralit modern me gaz, projekt që është në planprogramin e LDK-së dhe do të fillojë së zbatuari menjëherë pas ardhjes në pushtet”, shtoi ai./teve1.info
