Sipas tij, “kjo nuk është zgjidhje pasi që ne jemi mësuar që të jetojmë në varfëri dhe këto 100 euro nuk do të lënë ndonjë shenjë”.
“Edhe nëse 10 cent i ndanë për punëtorët e ka vlerën e vet, por në gjithë këtë rrafsh unë po shoh diçka që kjo u bë me presionin e sindikatave, ndërsa në anën tjetër nuk i thurr sindikatat që të harmonizohemi si dhe qysh, kjo është diçka shumë e rëndë, në njëfarë forme po don ta marrë edhe detyrën e sindikatave. Nuk është zgjidhje pasi që ne jemi mësuar që të jetojmë në varfëri dhe këto 100 euro nuk do të lajnë najfarë sheje”, ka thënë Azemi.
Në emisionin “Këndi i Debatit” në Tëvë1, Azemi shprehet i bindur se pas një periudhe do të ketë keqpërdorime të mjeteve se sa që këto para do të shkojnë te sektori privat.
“Nuk më gëzon kjo sepse ne nuk kemi një dialog sot. Ti mund të mi japësh edhe 10 mijë apo 15 mijë por t’i problemin nuk e ke zgjedhur. Problemet po don me i marrë dhe po don me i zgjedh vet, atëherë ai mund të vazhdojë por megjithatë jam i bindur që pas një periudhe kemi me parë që ma shumë do të ketë keqpërdorime se sa që kanë me shku mjetet te sektori privat i Kosovës”, thotë ai.
Azemi thotë se 50% e punëtorëve në sektorin privat janë pa kontrata pune dhe të njëjtit sipas tij, nuk do t’i marrin mjetet.
“Shpeshherë ma shumë kryejmë probleme se sa që e zgjedhim një problem. Kemi thënë që te punëtoret e sektorit privat mbi 50 % e këtyre punëtorëve kemi pa kontrata pune dhe cili do të jetë modeli për të cilin ata punëtorë, në fakt jam i bindur se nuk do të marrin mjete”, u shpreh kryetari i Sindikatës së Pavarur të Sektorit Privat, Jusuf Azemi. /teve1.info/
